Tələbə Qəbulu üzrə Dövlət Komissiyası (TQDK) magistr imtahanlarının ikinci mərhələsinin nəticələrini açıqlayıb.
Komissiyasının mətbuat katibi Elnur Nağızadə Lent.az-a bildirib ki,
ikinci mərhələ üzrə imtahanlarda iştirak etmək hüququ qazanmış 6383
bakalavrdan 53 nəfəri imtahana gəlməyib. İmtahanda iştirak etmiş 6240-ı
bu imtahanlara qatılıb. Onlardan 1 nəfəri qaydaları pozduğuna görə
imtahan zalından çıxarılıb.
Bundan başqa, 54 saylı proqram üzrə təklif olunan mövzu üzrə inşa
yazmalıydılar. Elnur Nağızadə bildirib ki, qaydalara əsasən, yazılı
imtahan verənlər yazı işlərində özləri haqqında hər hansı məlumat
yazmaq, cavab kartında işarələr qeyd etmək qadağandır. Lakin 4 bakalavr
bu tələbi pozduğundan onların imtahan nəticələri ləğv olunub.
Ümumilikdə isə iyunun 21-də keçirilmiş imtahanların nəticələrinə uyğun
olaraq, 3551 bakalavr magistratura pilləsinə qəbul olunub. Elnur
Nağızadə deyib ki, həmin bakalavrlardan 10 nəfəri Türkiyə
universitetlərinin magistratura pilləsinə qəbul edilib. Qalan 3541
bakalavr isə Azərbaycanın ali məktəblərinin magistraturasında təhsil
alacaq. Qəbul olunanların 1750 nəfərini oğlanlar, 1801 nəfərini isə
qızlar təşkil edir.
Xatırladaq ki, bu il ali məktəblərin magistratura pilləsinə 5168 plan
yeri ayrılıb. Bunun 3720-si Azərbaycan, 753-ü rus bölməsi, 695-i isə
birgə müsabiqə aparılan ixtisaslar üçün nəzərdə tutulub.