"Böyük səkkizlik" ölkələri İranı BMT Təhlükəsizlik Şurasının qətnamələrinə riayət etməyə çağırıb
“Böyük səkkizlik” ölkələrinin liderləri
İranın nüvə proqramının nizamlanması üzrə beynəlxalq ictimaiyyətin
qərarını yerinə yetirmək üçün Tehrana sentyabradək vaxt verib. ANS
PRESS-in “BBC”yə istinadən verdiyi xəbərə görə, bu barədə G8-in
Akvialda keçirilən sammitində qəbul olunan siyasi məsələlər üzrə birgə
bəyanatında bildirilir.
"Biz İranı israrla MAQATE ilə əməkdaşlıq
etməyə və gələcəkdə yubanmaları kənara qoymaqla, BMT Təhlükəsizlik
Şurasının müvafiq qətnamələrinə riayət etməyə çağırırıq", - deyə
bəyanatda bildirilir.